नेकपा (एकीकृत समाजवादी) मा एमालेका ५४ केन्द्रिय सदस्यको सनाखत
प्रकाशित : २०७८ भदौ ९ गते १४:१३
२०७८ भाद्र ९, बुधबार
काठमाडौं । माधव कुमार नेपाल नेतृत्वको नयाँ राजनीतिक दल नेकपा (एकीकृत समाजवादी) मा नेकपा एमालेका ५४ केन्द्रिय सदस्य गएका छन् । बुधबार निर्वाचन आयोगमा भएको सनाखतमा ५४ केन्द्रिय सदस्य माधव नेपालको साथमा उभिएका हुन् ।
नेपालले एमालेका ५८ जना केन्द्रिय सदस्य सहित नयाँ दल दाबी गरेका थिए । जसमध्ये ३ जनाले हस्ताक्षर गरेका थिएनन् भने १ जना सनाखत हुने समयमा अनुपस्थित रहे ।
राजनीतिक दलसम्बन्धि अध्यादेशले २० प्रतिशत केन्द्रिय सदस्य वा संसदीय दल सदस्यसहित दल विभाजन गर्न पाउने व्यवस्था गरेको छ । जसअनुसार एमालेको २ सय ३ केन्द्रिय सदस्यमध्ये ४१ सदस्य नयाँ दल निर्माणका लागि पर्याप्त रहन्छ ।
नेकपा (एकीकृत समाजवादी) ले केन्द्रिय सदस्यका आधारमा नयाँ दल दावी गरेको हो ।
माधव नेपालको पार्टीमा एमालेका ३४ सांसद छन् । सिंहदरबार डटकमबाट
प्रकाशित : २०७८ भदौ ९ गते १४:१३
Facebook Comment