कलेजो र फोक्सोको विरामीलाई पाल्पाली सेवा समाज दोहा कतारले गर्यो आर्थिक सहयोग
प्रकाशित : २०८१ चैत ८ गते २०:२२
माधव भण्डारी दोहा ,कतार
पाल्पा रामपूर नगरपालिका वडा न. ७ बस्ने फणेश्वर गौतमको कलेजो र फोक्सोमा समस्या आएकाले पाल्पाली सेवा समाज दोहा कतारले पिडित गौतमको उपचारको लागि रू २५ हजार ५ सय ५ रुपैया सहयोग गरेको छ ।
पिडित गौतमको स्वस्थमा समस्या आउँदा अपस्ताल भर्ना भएका उनलाई कलेजो र फोक्सोमा समस्या रहेको काठमाडौं स्थित विर अस्पतालले जानकारी दिइएको थियो । आर्थिक अवस्था निकै कमजोर भएकै कारण पिडित गौतमकी श्रीमतीले सेवा समाजसँग आफ्नो श्रीमानको थप उपचारको निम्ती आर्थिक सहयोग गरी श्रीमानको ज्यान बचाइँदिन अनुरोध गरेसँगै समाजले कतारमा आफ्नो कर्मथलो बनाई बस्नुहुने पाल्पालीहरु बिच सहयोग अभियान सञ्चालन गरी रकम उठाएको थियो।
साथै समाजको मासिक बैठक बसी जतिसक्दो छिटो रकम नेपाल पठाउने निर्णाय गरे सँगै रकम अझ छिटो पठाउने वातावरण बनेको समाजका महासचिव माधव भण्डारीले हामिलाई जानकारी दिए ।पिडितले देश भित्र र बाहिर रहनुभएका सम्पूर्ण नेपालीहरुलाई आफ्नो थप उपचारको निम्ति सहयोग गरिदिन हुन हार्दिक अपिल सहित अनुरोध गरेका छन् ।
“पाल्पाली सेवा समाजको प्रतिबद्धता, निस्वार्थ सेवा समाज आजको आवश्यकता” भन्ने मुल नाराका साथ कतारमा सन २००७ मा स्थापित संस्थाले कतार तथा गृह जिल्ला पाल्पामा विभिन्न सामाजिक कार्यहरु गर्दै आईरहेको छ ।
सहयोग को लागि खातावालको नाम
दिपा पाठक गौतम
राष्ट्रिय वाणिव्य बैंक
खाता नः 3510100000195010
Facebook Comment