रमा भण्डारी रामपुर,पाल्पा
शहीद बहुमुखी क्याम्पस रामपुरको स्वतन्त्र विद्यार्थी युनियन स्ववियु सभापतिमा राजन गौतम विजयी हुनुभएको छ । अनेरास्ववियु र अनेरास्ववियु क्रान्तिकारी को संयुक्त प्यानल बाट उम्मेद्वारी दिनु भएका अनेरास्ववियुका गौतम ३०१ मत सहित निर्वाचित हुनु भएको हो ।

मंगलबार स्थगित भएको मतगणना कार्य बुधबार साँझ पुन सुचारु भए संगै स्ववियु निर्वाचनको अन्तिम नतिजा आएको हो । सर्वदलिय सर्वपक्षिय बैठक पश्चात पौने ८ बजे देखि मतगणना कार्य सुरु भएको थियो ।

नेपाल विद्यार्थी संघ नेवि संघका उम्मेदवार कसम मल्ल ठकुरीलाई ४० मतले पछि पार्दै गौतम विजयी हुनु भएको हो । मल्लले २६१ मत प्राप्त गर्नु भएको छ । सचिवमा संयुक्त प्यानल बाट विमल क्षेत्री २८२ मत सहित विजयी हुनु भएको छ । प्रतिस्पर्धी वन्दना गैह्रेले २७७ प्राप्त गर्नु भएको थियो । कोषाध्यक्षमा संयुक्त प्यानल बाट सच्चा रेग्मी २९९ मत सहित विजयी हुनु भएको निर्वाचन अधिकृत त्रिविक्रम खनालले जानकारी दिनुभयो । शहीद बहुमुखी क्याम्पसमा २०४८ साल देखि नेवि संघले नेतृत्व गर्दै आएको थियो ।
नेवि संघ बाट कोषाध्यक्षका उम्मेद्वार धनकला रानाले २५६ मत प्राप्त गर्नु भएको छ ।प्रत्यक्ष तर्फको सदस्यहरुमा नेवि संघ बाट २७३ मत सहित सदिक्षा ढकाल, संयुक्त प्यानल बाट २६३ मत सहित निरुता ढेंगा, नेवि संघ बाट २६१ मत सहित सविना भण्डारी, नेवि संघ बाट २६० मत सहित शशी ढकाल र संयुक्त प्यानल बाट २६० मत सहित इन्द्र बहादुर सोती निर्वाचित हुनु भएको खनालले जानकारी दिनुभयो । सदस्यका उम्मेद्वार संयुक्त प्यानलका अनिता श्रेष्ठले २५९, भुवन न्यौपानेले २५९, कमल सारुले २५८, नेवि संघका बसन्ती सुनारीले २५४ र स्वतन्त्र बाट निखिल सुनारले २०५ मत प्राप्त गर्नु भएको छ ।निर्वाचनमा कुल मतदाता ७ सय १५ मध्ये ५ सय ७१ मत खसेको थियो । समानुपातिक तर्फ नेवि संघले २७० र अनेरास्ववियुले २९९ मत प्राप्त गरेको छ । जसमा २ मत बदर भएको थियो ।