मृगौला पिडित जस्मिन ढेंगाको लागि सहयोग अपिल
प्रकाशित : २०७७ मंसिर २३ गते १८:३८
पाल्पा,लाबेबजार
मंसिर २३
पूर्वखोला-५,वीरकोट,स्याफतकि मृगौला पिडित जस्मिन ढेंगाको जीवनरक्षाका लागि सहयोग अपिल गरिएको छ ।
पुर्वखोला-२,जल्पाको बर्मुमा माइत भएकी २६ वर्षिय जस्मिनको दुवै मृगौलाले काम गर्न छाडेपछि विगत डेढ वर्ष देखि डायलाइसिस गराइरहनुभएको छ । गौतमबुद्ध सामुदायिक मुटु अस्पतालमा हप्ताको दुईपटक डायलाइसिस गराइरहनुभएका ढेंगाको मृगौला प्रत्यारोपण गर्ने तयारी भइरहेकोले सहयोगको याचना गरिएको हो । मृगौला प्रत्यारोपणका लागि २०-२५ लाखसम्म खर्च लाग्ने तर आर्थिक स्रोतहरु नभएकोले सम्पुर्ण सहयोगीहरुसंग आर्थिक सहयोगको आह्वान गरिएको छ । हाल पुर्वखोला-३,रिङ्नेरह,विर्ताबजारमा बस्दै आउनुभएकी ढेंगाको एक छोरी पनि हुनुहुन्छ । उहाँलाई सहयोग गर्न हिमालयन बैंक,तानसेन शाखामा रहेको आमा ज्ञानुमाया रानाको खाता नं.-०२२०८४८१७६००१९ मा रकम पठाउन सकिने पारिवारिक स्रोतले बताएको छ ।
Facebook Comment